2018-imi juuli ilanngullugu aalisakkat qaleruallillu tunisat
2018-imi qaammatini arfineq marlunni siullerni kinguppaat qalerallillu tunisat siorna taamaalinerani tunisanut naleqqiullugit amerleriarput. Saarulliit tunisat piffissami tassani ikileriarput. Tamakku ilaatigut nittartakkatta kisitsisaataasiviani ullumi saqqummersumi takuneqarsinnaapput.
2015-imiit 2018-imut qaammatini arfineq marlunni siullerni tunisat, suussutsinut agguarlugit
Najoqqutaq: Naatsorsueqqissaartarfik – takuuk kisitsisaataasivik http://bank.stat.gl/FIN001
Kisitsisaataasivik
Piffissami 1987-imiit 2018-imi juuli ilanngullugu tulaassukkat annertussusii, akit, aalisakkat qaleruallillu suussusii, qaammat immikkoortortaqarfiillu malillugit kisitsisaataasivimmi paasissutissanik aallersinnaaneq periarfissaavoq.
Annertunerusumik paasisaqarnerorusuttunut allaffimmi pisortaq Lars Geraae, oqarasuaat (toqqaannartoq) 34 57 87 atorlugu, attavigineqarsinnaavoq